Sunday, February 16, 2014

في عيدنا الثالث .... اولادنا هما اساس البلاد نبونها صح

فالعيد الوطني لثورة فبراير ... وبما ان اليوم عطلة حبيت نعرج على طريق فايتها نص الشعب ....
اولادك شن موقفهم الحالي م الثورة ...؟؟؟  وهل انت راضي عنها ؟؟؟ هل انت راضي عن توجهاتهم ؟؟؟ جلست معاهم فهمتهم شن صار وشن صاير ؟؟؟؟
هذا يومها ؟؟؟  عطلة 24 ساعه تقدر تغرس فيهم بذرة خير تستفيد منها بلادك
ببساطة  اولا وطنك ووطن اطفالك الاول هو بيتكم .... تربيتهم تعاملهم حفاظهم و التزامهم ... تحصيلهم الدراسي ... هو مستقبل بلادنا ... للاسف لو اولادك يسمعو منك فالوضع اللي صاير اكيد مش حيكونو فاهمينه صح ومنحازين لطرف دون اخر
كيف ممكن تصلحها
استغل اليوم هذا تحكيلهم شن صار معانا ولو هما واعيين للي صار ... فكرهم بكيف بلادهم تحسنت لما حتى هما كانوا مشاركين فتحسين الاوضاع فالبلاد .... فكرهم بالشهداء و البطولة ... فكرهم برجال لازم يعرف اساميهم ويدعيلهم و يكونو قدوتة ... فكرهم ان الابطال هما نتاج لتربية وحب الله والاوطن ... وفكرهم ان اولادهم وهلهم بينا وواجبنا نفتخرو بالاسر اللي كبرتهم ونكونو قدوة ليهم
  فكرهم بالصبر والمده اللي تحملناها .... فكرهم ان المال مش كل شي ... بس بالجهد والاخلاص تنال كل شي ... فكرهم بان وقفتنا الوحدة هي اللي نصرتنا ....  فكرهم انهم كانو يدعو لناس عمرهم ماشافوهم  رابطهم الوحيد هو حبهم ونصرتهم لدينهم وبلادهم .... فكرهم ان لولا صلاتهم معاك فالجامع و دعاءهم هما اللي جابلنا النصر  يعني اخلاصنا وجهدنا مع صلاتنا ودعائنا هما بس اللي محتاجتهم بلادنا عشان توقف ....
فكرهم بتطوعهم وكيف كان مثمر وكيف حبتهم الناس .... ذكرهم انهم ناس محظوظين انهم عاشو اللحظات هذي بروحهم وشاركو فيها وواجبهم يسندوها لين توقف بلادنا ....
فكرهم انه فوقتها كان لكل  لحد سلاحه ... وسلاحه توا هو دراستة ومساعده بلاده
اقترح عليهم يقدمو شي للبلاد فالايام هذي .... شي ولو بسيط او شي حبوة فوقتها يكرروة ... وخليها عنجهم عادة يديروها ولو مرة فالشهر او حتى فالسنة .....
علمهم ان حب بلادنا مش دوة .... بتحب بلادك .... حافظ عليها ... ماتنقلش اشاعه ... اقرا كويس ... ابتسم لجارك ... دير واجبك على اكمل صورة ... احترم رايتها اللي رفعوها ثوارنا وشهدائنا الله يرحمهم عشان ترتاح انت اليوم
لو حكالك عالوضع توا .... ماتلوماش اسمع رايه كله ....
اساله لو عاجبة .... وساعده باللي قلناه يطبقة ساعده يفهم جميع الاراء مش رايك ... وخليه يفهم ويختار .... ساعده ينسى العنصرية اللي كبرنا عليها ساعده يفهم ان هو املنا فبكرة ... اذا الكل على غلط يكون هو الصح اللي يرشدهم للطريق
  

6 comments:

Nasimlibya `√ said...

يارب يا ويدا روح الايجابية تكون حاضرة وبقوة الجيل الجديد محتاج مجهود مش صعب ومش مستحيل بس محتاج لمجهود بضمير
صاحى وابيض ناصع
انا واثقة جدا ان اللى بنغرسوه اليوم حنلقوه بكرة وبعده


يارب كل ايامنا خير وحب ومودة وربي يهدينا كلنا ويصلح حالنا ان شاء الله
مودتي

Ruwida Ashour said...

ربي يحفظ بلادنا ويسلمها ويهدينا للطريق اللي بيها نخلوها احلى مكان

samad abbas said...

Top Ten Classified Website List, Pakistani Classified Sites, USA Classifieds, Indian Classifieds, Entertainment Articles, Entertainment News, Entertainment Pictures, Bollywood, Hollywood and Lollywood Pictures and Videos, Entertainment Latest updates, Hot Entertainment News and Pictures Funny Entertainment Pictures, lol Pictures, Funny Pictures and every thing you want...
www.hotcurrentaffairs.com

Anonymous said...

العيد الثالث لذكرى بيع الوطن

dodo bdr said...

عزل الخزانات الارضية بالرياض
رش مبيد بالرياض
مكافحة الحشرات بالرياض
شركة عزل خزانات بالرياض
شركات نقل بالرياض
شركة تنظيف المنازل بالرياض
مستودعات تخزين اثاث بالرياض
نقل اثاث
شركات التنظيف بالدمام
شركات تغليف الاثاث
ابي وايت شفط بيارات بالرياض
سعر تنظيف الخزان بجدة
شركة تنظيف خزانات الدمام

soma taha said...

I'll just bookmark this web site.
http://www.prokr.net/2016/09/get-rid-of-cockroaches-8.html
http://www.prokr.net/2016/09/get-rid-of-cockroaches-7.html
http://www.prokr.net/2016/09/get-rid-of-cockroaches-6.html
http://www.prokr.net/2016/09/get-rid-of-cockroaches-5.html